Da b`sondane Doch
I schau ausse für`s Fensta und denk a grot noch,
wos is des heit für a b`sondana Doch.
D`Mutta putzt`s Haus vo unt`n bis ob`n,
an Vater beim Bam schmücka kon ma goar nimma hom.
Er raucht scho de zwoate Schachtl Zigaretten,
und drauß`n af da Straß`n brennand hunderte vo Lichterkett`n.
Und I schau ausse für`s Fensta und denk a grot noch,
wos is des heit für a b`sondana Doch.
D´Leit en de Gschäfta kafan schnell no wos ei,
es sollt scho no wos b`sonders sches sei.
Quer über Straß`n en Supermmarkt no nei,
a groaße Gans derfat`s a no scho sei.
Vom Becka a Tort`n mau ma a no mitnehma,
damit ma en de Feierdach a guart über d`Rundn kemma.
Und I schau ausse für`s Fensta und denk a grot noch,
wos is des heit für a b`sondana Doch.
Auf d`Nacht daot ma dann Brotwürstl mocha,
an Glühwein mau ma a no kocha.
Gschenka vodal`n und en de Christmett`n renna,
Heile Obn`d is, lau da an Stress net okenna.
D`Leit hetz`n und wergl`n und denken net noch,
grot des wa doch heit da b`sondane Doch.
WR
Nov 92
Keine Kommentare:
Kommentar veröffentlichen